سطحه شمال الرياض 0502588952

 السلام عليكم

👴 اعود واكرر

غطاء الرادياتور في السيارة ليس غطاء لاغلاق الرادياتور 

وانما هو عبارة عن صمام  ضغط يقوم برفعرالضغط ضمن الدارة لدرجة معينة حتى ترتفع درجة الغليان 🙄🙄

👨 :  شو هي ترتفع درجة الغليان 🙄 وشو علاقة الضغط بالموضوع 🙄🤔

👴 : الماء بيغلي بالدرجة 100° 

عند الضغط الجوي النظامي 

ولكن عند ارتفاع الضغط ترتفع درجة الغليان 

لذلك الشركات بتحط هالغطاء لترفع الضغط جوا الدارة لتمنع غليان الماء عالدرجة 100

 ورح اقرب الصورة اكثر لذهنكم 

كلنا بنعرف طنجرة الضغط في المنزل 

الها صمام مجرد ارتفاع الضغط الشديد ضمن الطنجرة بيبدأ بينفس الضغط للخارج ولو هالصمام سكر ...لسبب ما رح تنفجر الطنجرة 

نفس المبدأ برادياتور السيارة.

الشركة بتحط غطا الرادياتور لترفع الضغط في الدارة بس لما بيصير الضغط اعلى من المقرر بيفتح هالصمام ولكن بيسرب البخار للفضال والبخار وقتها بيتكاثف وبيصير مي 

ووقت بتبرد السيارة بينخفض الضغط،جوا الدارة بيفتح الصمام بالعكس و بيرجع المي للدارة 

(( شوفو اخر صورة  والاسهم الحمرا توضح حركة الماء بالاتجاهين))

طبعاً هي الطريقة الفيزيائية اللي بتتبعها الشركات لرفع درجة الغليان 

وفي طريقة كيميائية كمان وهي اضافة مواد ترفع تركيز الماء وبالتالي ترفع درجة غليانه وهي المواد اللي بنسميها مانع تجمد

👨 والله دوختنا فيزيا وكيميا

عطينا من الاخير 

👴 الخلاصة : اغطية الرادياتور الها ارقام 

0.7 و 0.9 و 1.1

 هي الارقام بتحدد الضغط اللي بيفتح عندو الغطا 

وبالتالي اذا ركبت غطا ضغطه اكبر من الاصلي رح يرتفع الضغط في الدارة وتنفجر الخراطيم 

واذا ركبت غطا ضغطه اقل رح تغلي المي جوا الدارة و تفور معك السيارة